كلمات أغنية جمال عيونها

أغنية جمال عيونها
كلمات \ شاعر العاطفة محمد السعيد


جمال عيونها
بحبها وبموت فيها
ومش عايز غير نور عنيها


ومستنى نظرة واحدة من عينيها الجميلة
أحس بيها وأعـــــيش بيها لسنين طويلة


لو تعرف تعبى وحزنى وسهرى عليها قد ايه طول الحياة
هتقدر مكانــى وشوق زمانـــى وخوفـــى عليها وقولة آه


ده جمال عيونها مش أى جمال بنشــــوفه والسلام
ده جمال ربانى مخلوق عشانى ومعاها أحلى غرام


نظرتها ليـــا تشفينى سنين
دى أجمل حب شافته العين


بحبها وعايز قلبها يسمع دقــــــات قلبى ويقول حنيت
وساعتها أقول رضا كفاية عليا الندا ده أنا ياما قسيت


شغلانى عنيها وغيرتى عليها وبســأل نفســى كم سؤال
أول مرة ألاقى حب وأطيب قلب وبنت جميلة زى الغزال


يا أجمل همسة فى همساتى

وأحلى كلمة بتطيب آهاتى


قربى ليا وشوفى عنيا هتلاقى دموع بايتة ومكسورة
وافتحى قلبى ونار حبى هتلاقى شموع آيدة وصورة


صورتك دايما عايشة فى قلبى
ســـــاكنة بالى ومــــالكة حبى



بحبك قد العالم قد الناس قد الدنيا كلها
واسألى كل العالم والناس والدنيا كلها


ياأجمل عيون

طايرة فى الكون
بحبك بجنون